Пуцін дазволіў выкарыстоўваць войска для абароны расіян за мяжой

Уладзімір Пуцін падпісаў закон, які дазваляе выкарыстоўваць расійскія Узброеныя Сілы за межамі краіны для абароны грамадзян Расіі. Гаворка ідзе пра выпадкі, калі расіяне затрыманыя, арыштаваныя або пераследуюцца паводле рашэнняў замежных судоў.

Новыя нормы ўнесеныя ў законы аб грамадзянстве і абароне. Згодна з дакументам, рашэнне пра выкарыстанне войска ў такіх сітуацыях будзе прымаць прэзідэнт Расіі. Акрамя таго, расійскія органы ўлады змогуць ужываць "неабходныя меры" для абароны грамадзян у межах сваіх паўнамоцтваў.

У Дзярждуме заяўлялі, што закон патрэбны для прадухілення сітуацый, падобных да арышту ў Польшчы расійскага археолага Аляксандра Буцягіна. Закон ужо падтрымалі абедзве палаты расійскага парламента.