Расія плануе аперацыі з тэрыторыі Беларусі — Зяленскі
Уладзімір Зяленскі / LRT
У Аляксандра Лукашэнкі адбыліся дадатковыя кантакты з расіянамі, якія пераконваюць яго далучыцца да новых агрэсіўных аперацый. Пра гэта Уладзімір Зяленскі паведаміў пасля нарады з удзелам кіраўнікоў сілавых структураў Украіны.
Паводле Зяленскага, расіяне рыхтуюць з тэрыторыі Беларусі вайсковую аперацыю супраць адной з краін NATO: "У прыватнасці, Расія разглядае планы аперацый па напрамках на поўдзень і поўнач ад тэрыторыі Беларусі – альбо супраць Чарнігаўска-Кіеўскага напрамку ва Украіне, альбо супраць адной з краін NATO – менавіта з тэрыторыі Беларусі. Украіна валодае дэталямі размовы паміж Расіяй і Беларуссю".
Зяленскі падкрэсліў, што Украіна будзе абараняць сябе, калі Лукашэнка наважыцца падтрымаць расійскія планы: "Даручыў нашым сілам абароны і бяспекі Украіны ўзмацніць адпаведны кірунак і падаць план нашага рэагавання, які будзе разгледжаны і зацверджаны на стаўцы".
