У Беларусі перакуліўся аўтамабіль з вайскоўцамі, ёсць загінулыя
Войска, ілюстрацыйнае фота / newsgomel.by
У Беларусі перакуліўся аўтамабіль з вайскоўцамі, паведамляе прэс-служба Міністэрства абароны.
У аварыі загінулі два чалавекі — малодшы сяржант-кантрактнік А. Шабуневіч і шараговец тэрміновай службы К. Кіба. Пацярпелым у аварыі цяпер аказваюць неабходную медыцынскую дапамогу, заяўляюць у ведамстве.
Абставіны здарэння высвятляе камісія Мінабароны сумесна са Следчым камітэтам і Міністэрствам унутраных спраў.
Сем'ям загінулых абяцаюць аказаць усебаковую дапамогу.
