У чацвер дажджы прагназуюцца толькі па ўсходзе Беларусі

У чацвер, 14 траўня, у Беларусі чакаецца пераменная воблачнасць, паведамляе Белгідрамет.

Будзе ў асноўным без ападкаў, толькі ўначы па паўночным усходзе, а ўдзень у крайніх усходніх раёнах краіны пройдуць дажджы. Уначы ў асобных раёнах будзе згушчацца туман, месцамі па паўночным усходзе прагрымяць навальніцы. Вецер будзе пераменных напрамкаў, уначы — слабы, удзень — умераны, пры навальніцах — парывісты.

Тэрмометры ўначы пакажуць 1-7 градусаў вышэй за нуль, па паўночным усходзе чакаецца 8-10 градусаў цяпла. Удзень сіноптыкі прагназуюць ад +12 па ўсходзе да +20 градусаў па паўднёвым захадзе Беларусі.

У пятніцу, 15 траўня, будзе воблачна з праясненнямі. Уначы па ўсходзе, зранку і ўдзень пераважна па ўсходняй палове краіны пройдуць дажджы, месцамі — моцныя дажджы і навальніцы. Вецер будзе пераменных напрамкаў умераны, пры навальніцах — парывісты. Тэмпература паветра ўначы складзе 3-10 градусаў са знакам "плюс". Удзень тэрмометры пакажуць 13-20 градусаў цяпла, па захадзе і поўдні Беларусі будзе да +23 градусаў.