Яшчэ адзін круізны лайнер ізалявалі праз вірус на борце

Яшчэ адзін лайнер ізалявалі праз вірус на борце. Адзін пасажыр памёр, у 50 з 1700 — непрыемныя сімптомы.

Так, на круізным лайнеры Ambition, які прыбыў у французскі Бардо, у каранціне апынуліся адразу 1700 чалавек. Прычынай стала смерць 90-гадовага пасажыра з Вялікабрытаніі ад вострага гастраэнтэрыту. Іншыя пасажыры пакутуюць ад сімптомаў норавіруса — ванітаў, дыярэі, млоснасці, боляў у жываце.

Цяпер медыкі займаюцца тэставаннем турыстаў і экіпажу. Прэфектура забараніла ім пакідаць борт, пакуль усе аналізы не будуць гатовыя.

Гэты інцыдэнт не звязаны са смяротным хантавірусам на іншым лайнеры — MV Hondius. На борце Ambition распаўсюдзілася класічная кішачная інфекцыя. Яе хуткаму распаўсюду спрыяла згрувашчанне вялікай колькасці людзей у замкнёнай прасторы.