YouTube-канал "вДудь" у Беларусі прызналі "экстрэмісцкім"
Вядоўца канала Юрый Дудзь
У Беларусі "экстрэмісцкім" прызналі YouTube-канал "вДудь", на які падпісаныя больш за 10 мільёнаў чалавек. Цяпер канал унесены ў "экстрэмісцкі спіс" на сайце Мінінфармацыі.
Адпаведнае рашэнне прыняў 27 красавіка суд Чыгуначнага раёна Віцебска.
Раней у Беларусі "экстрэмісцкі" статус атрымлівалі толькі асобныя выпускі гэтага канала.
Таксама "экстрэмісцкі" спіс папоўнілі кніга "Мясцовыя выбары ў найноўшай палiтычнай гiсторыi Беларусi — Менск: Аналiтычны грудок 2003. — 296 с.", сайт ecohome.ngо, і шэраг старонак у сацсетках TikTok, "Вконтакте", Інстаграме, Фэйсбуку і Threads.
