Зяленскі расказаў лідарам Еўропы пра планы Расіі адносна Беларусі

Прэзідэнт Украіны Уладзімір Зяленскі у размове з еўрапейскімі лідарамі праінфармаваў іх пра расійскія планы ў дачыненні да Украіны, Беларусі і іншых кірункаў у Еўропе.

"Усё, што датычыцца іх палітычных і ваенных намераў, адсочваем. Нашы каманды на ўзроўні разведак больш падрабязна абмяняюцца наяўнай інфармацыяй", — напісаў Зяленскі ў сваім тэлеграм-канале.

У размове з прэм’ер-міністрам Вялікабрытаніі Кірам Стармерам, прэзідэнтам Францыі Эмануэлем Макронам і канцлерам Германіі Фрыдрыхам Мерцам гаварылася пра тое, "як зрабіць так, каб дыпламатыя дзеля міру актывізавалася і каб Еўропа была ў яе ўцягнутая".

"Усе партнёры адзначаюць, што пазіцыі Украіны значна мацнейшыя — як на полі бою, так і ў нашых дальнабойных магчымасцях. Гэта важка, і менавіта такі наш ціск можа падштурхнуць да правільнай і дзейснай дыпламатыі. Дамовіліся, што нашы дарадцы па пытаннях нацыянальнай бяспекі сустрэнуцца найбліжэйшым часам", — дадаў Зяленскі.

У апошнія тыдні прэзідэнт Украіны надае шмат увагі беларускаму пытанню. 22 траўня стала вядома, што неўзабаве адбудзецца візіт Святлана Ціханоўская ў Кіеў.