На беларускіх АЗС на мяжы з Расіяй кіроўцы пачалі скупляць паліва
На запраўцы / t.me/flagshtok
На аўтазапраўках у памежных раёнах з Расіяй кіроўцы пачалі заліваць па некалькі каністраў паліва. Адпаведныя допісы ў сацсетках заўважыла выданне "Флагшток".
Так, у гарадскім пасёлку Езярышча на Віцебшчыне, каля расійскай мяжы, паліва скуплялі адразу некалькі аўтамабілістаў з Расійскай Федэрацыі.
У Гомелі на АЗС на вуліцы Луначарскага аўтаўладальнік складаў каністры з палівам у багажнік аўтамабіля на беларускіх нумарах.
Каментатары вылучылі дзве версіі: кіроўца едзе прадаваць паліва ў Расію ці робіць запас на выпадак, калі дэфіцыт паліва пачнецца і ў Беларусі.
Праблемы з палівам у Расіі пачаліся пасля таго, як украінскія дроны нанеслі шэраг атак па расійскіх нафтаперапрацоўчых заводах.
