Бібліяноч-2026 у Беларусі: куды пайсці 24 красавіка

У пятніцу, 24 красавіка, у розных гарадах Беларусі пройдзе традыцыйная "Бібліяноч". Бібліятэкі падрыхтавалі насычаную праграму з экскурсіямі, сустрэчамі, канцэртамі і інтэрактыўнымі актыўнасцямі. 

Еўрарадыё паглядзела, што прапануюць бібліятэкі трох гарадоў Беларусі. Калі вам цікава, што будзе адбывацца ў вашым горадзе ці мястэчку, то прапануем зазірнуць на сайты мясцовых бібліятэк.

Гродна

Навуковая бібліятэка імя Карскага запрашае на "Бібліяноч-2026: СЗЛ — Супольнасць Знаўцаў Літаратуры".

Наведвальнікам прапануюць чатыры маршруты па розных аддзелах бібліятэкі.

На вуліцы Ажэшкі, 17 будзе "поўнае пагружэнне ў атмасферу XIX стагоддзя" і тэатралізаваная экскурсія па доме Элізы Ажэшкі.

У аддзеле мастацтва на вуліцы Савецкая, 25 адкрыецца выстава калекцый брошак і масак.

У галоўным корпусе на вуліцы Карбышава, 17 пройдуць паэтычныя чытанні і сустрэчы з гродзенцамі, у тым ліку блогеркай Леначкай Лукашык, стылісткай Таццянай Арцыман, візажысткай Наталляй Івановай і іншымі гасцямі. Таксама будзе магчымасць згуляць у шахматы з 12-гадовай чэмпіёнкай Беларусі.

У праграме запланавана жывая музыка ў выкананні мінскага дуэта "DO Art duo".

Дзіцячы аддзел на вуліцы Савецкая, 25 будзе працаваць да 22.00 і прапануе гульнявую праграму і актыўнасці.

Для ўдзелу неабходна набыць квіткі: 20 рублёў для дарослых і 10 рублёў для дзяцей да 10 гадоў.

Пачатак у 18.00. Месца збору: Карбышава, 17; Ажэшкі, 17; Савецкая, 25, Гродна.

Брэст

У абласной бібліятэцы імя Горкага таксама пройдзе "Бібліяноч".

У праграме адкрыты мікрафон "Чытаем роднае, сваё!", прэзентацыя метафарычных карт ад беларускіх пісьменнікаў, батлеечны тэатрык "Баечны кругаверць", прэзентацыя і дэгустацыя страў беларускай кухні, а таксама кніжны батл.

Уваход, па наяўнай інфармацыі, вольны.

Пачатак у 18.00. Месца: вуліца Касманаўтаў, 48, Брэст.

Мінск

У Нацыянальнай бібліятэцы Беларусі "Бібліяноч" пройдзе з вялікай праграмай.

Запланаваны тэатралізаваныя паказы, экскурсіі, майстар-класы, канцэрты, модныя паказы, выставы, інтэрактыўныя праграмы, дзіцячая пляцоўка, квэсты і лекторый.

Уваход вольны.

Пачатак у 19.00. Месца: пр-т Незалежнасці, 116, Мінск.

Усе мерапрыемствы пройдуць 24 красавіка. У кожным горадзе праграма адрозніваецца.