Дзве школьніцы ўзламалі сякерай і падпалілі лецішча пад Уздой
Сякера, ілюстрацыйнае фота / pexels.com
Ва Уздзенскім раёне лецішча згарэла ад рук дзвюх школьніц 2013 і 2014 гадоў нараджэння, паведамляе мясцовая раёнка.
Паведамленне пра пажар у садаводчым таварыстве "Верас-Калібр" каля вёскі Трысцянец ратавальнікі атрымалі ў панядзелак, 20 красавіка, каля 21:00. Гарэў дом, не падлучаны да электрасеткі.
Пажар удалося патушыць. А следчыя, якія працавалі на месцы здарэння, прыйшлі да высновы, што прычынай загарання стаў падпал.
Выявілася, што каля 16-й гадзіны ў чужы дом забраліся дзве дзяўчынкі-падлеткі. Яны ўзламалі дзверы сякерай і сталі падпальваць рэчы ў доме. Пазабаўляўшыся такім чынам, школьніцы пайшлі з дому, а потым заўважылі дым і агонь.
Матэрыялы справы перададзеныя ў міліцыю.
