Галоўныя акторскія ўзнагароды забралі Эмануэль Макія і Валянцін Кампань за мужчынскія ролі ў фільме “Баязлівец”, Вірджыні Эфіра і Тао Акамота за жаночныя ролі ў фільме “Раптоўна”.
Прыз журы атрымала стужка нямецкай рэжысёркі Валескі Грысэбах “Прыгоды мары”, а за найлепшы сцэнар адзначылі Эмануэля Марэ за працу ў карціне “Нашае выратаванне”.
Гран-пры атрымаў російскі рэжысёр Андрэй Звягінцаў за фільм “Мінатаўр”. Стужка распавядае пра сямейную драму на фоне поўнамаштабнага зварвання Расіі ва Украіну. Гэта першы фільм рэжысёра за апошнія дзевяць гадоў. Яго чатыры папярэднія фільмы таксама атрымлівалі ўзнагароды на Канскім фестывалі.
У сваёй прамове падчас атрымання гран-пры Андрэй Звягінцаў звярнуўся да прэзідэнта Расіі Уладзіміра Пуціна.
“Я хацеў бы звярнуцца да аднаго чалавека ад свайго ўласнага імя. Ён не карыстаецца VPN, каб убачыць гэтую цырымонію ў прамым эфіры. Упэўнены, значна больш важныя пытанні яму зараз даводзіцца вырашаць. І я ведаю, што ў яго атачэнні ёсць людзі, якія ведаюць, як перадаць яму гэтыя словы.
Мільёны людзей па абодва бакі лініі судотыку зараз мараць толькі пра адно, каб нарэшце спыніліся бясконцыя забойствы людзей. І адзіны чалавек, які можа спыніць гэтую мясарубку — вы, спадар прэзідэнт Расійскай Федэрацыі. Скончыце ўжо гэтую бойню. Увесь свет чакае гэтага”, — сказаў Звягінцаў.
