Менш за дзве гадзіны! Усталяваны новы сусветны рэкорд у марафоне

Кенійскі бегун Себасцьян Саве фінішаваў у нядзелю на Лонданскім марафоне з вынікам 1:59.30. Ён стаў першым чалавекам у гісторыі, які прабег на афіцыйным адкрытым старце марафонскую дыстанцыю — 42 кіламетры 195 метраў — менш чым за 2 гадзіны.

Другім да фінішу прыйшоў Ёміф Кеджэлча з Эфіопіі, які таксама здолеў пераадолець марафонскую дыстанцыю менш чым за дзве гадзіны — яго вынік у Лондане 1:59.41.

Упершыню такі рэкорд быў устаноўлены на неафіцыйным спаборніцтве. У кастрычніку 2019 года двухразовы алімпійскі чэмпіён кеніец Эліуд Кіпчоге прабег марафон у Вене за 1:59.40 у межах праекта Ineos 1:59 Challenge.

Спартсмена суправаджалі групы пэйсмэйкераў, якія змяняліся і дапамагалі яму падтрымліваць высокую хуткасць бегу, і вынік Кіпчоге не быў зарэгістраваны як афіцыйны сусветны рэкорд.