Памежнікі прымушаюць распранацца дагала "палітычных" падарожнікаў
Вобшук / t.me/stranafund
Беларускія памежнікі практыкуюць асабісты дагляд падарожнікаў, якія траплялі на допыты ці пад арышты па "пратэсных" справах. Пра такія выпадкі на мяжы з Літвой і Польшчай паведамляе фонд "Краіна для жыцця".
Правяраюць тых, хто едзе ў Беларусь. Людзей прымушаюць распранацца. Жанчынам загадваюць здымаць станікі і даставаць "костачкі", ніжнюю частку бялізны, як правіла, пакідаюць. Але вядомыя і выпадкі, калі жанчын прымушалі здымаць і майткі.
Панятымі часам выступае персанал, які не мае дачынення непасрэдна да памежнай службы — напрыклад, прыбіральшчыцы.
У фондзе "Краіна для жыцця" падкрэсліваюць, што такі прыніжальны догляд адбываецца па цэнтралізаваным загадзе альбо "рэкамендацыях", бо гэта не адзінкавы выпадак і не ў адным пункце пропуску.
