POLYN з Чарапко-Самахвалавым выпусціў меланхалічны сінгл і кліп да яго
Гурт POLYN / асабісты архіў
Беларускі гурт POLYN апублікаваў меланхалічны беларускамоўны сінгл і кліп да яго. "Ранак" анансуе выхад новага альбома каманды (які ўжо часткова гатовы) і канцэрты ў Вільні (28 траўня) і Варшаве (29 траўня).
POLYN — праект музыкаў гурта Port Mone Аляксея Ванчука, Сяргея Краўчанкі і Іллі Чарапко-Самахвалава — лідара гурта "Петля Пристрастия", які Ілля пакінуў летась. Мэтай POLYN стала спроба адысці ад авангарду і пост-панку ў бок поп-музыкі. Але не выйшла. Першы альбом гурта "202022" самі музыкі ахрысціцлі даунтэмпай пра безнадзейнасць.
У новым альбоме да POLYN далучыўся Ілля Церашчук. Відэашэраг да кліпа стварыла Маргарыта Цехановіч.
"Усю ноч не спаў, чакаў", — напісаў Чарапко ў сацсетках.
