Помнік Тадэвушу Касцюшку ў Швейцарыі будзе стаяць на беларускім валуне
Падмурак з беларускага валуна і новая мемарыяльная шыльдачка для помніка Тадэвушу Касцюшку ў Залатурне / MALDZIS / Таццяна Капітонава
Ініцыятыва MALDZIS разам са швейцарскім дабрачынным Фондам Марыі Магдалены Радзівіл зрабілі новы падмурак і мемарыяльную шыльдачку для помніка Тадэвушу Касцюшку ў швейцарскім Залатурне.
Падмурак быў створаны з беларускага валуна. Апрацоўкай каменя і вырабам інфармацыйнай шыльды займаліся ў Мінску.
Праект быў рэалізаваны на прыватныя сродкі беларускіх ахвярадаўцаў: Максіма Баграцова, Філіпа Дайнэкі і мецэнаткі, якая пажадала застацца неназванай.
Помнік Касцюшку ў Швейцарыі быў пастаўлены ў 2017 годзе.
