Прадпрыемства, якое займаецца адкідамі з АЭС, схавала імёны супрацоўнікаў
Беларуская АЭС / Еўрарадыё
Дзяржаўнае прадпрыемства, якому даручаныя перапрацоўка і захаванне радыяактыўных адкідаў, схавала сваю структуру і імёны супрацоўнікаў. Гэта адбылося пасля прызначэння былога супрацоўніка КДБ Міхаіла Кіселя на пасаду дырэктара "БелРАА".
"Гэтымі дзеяннямі дзяржава намякнула, што адказных за прыняцце рашэнняў, звязаных з абыходжаннем з радыяактыўнымі адкідамі, не будзе. Цяпер асноўнай крыніцай інфармацыі пра стан радыяактыўнага могільніка стане дазіметр", — піша гомельскае выданне "Флагшток".
Працэс выбару месца пастаяннага захоўвання радыяактыўных адкідаў працягваецца. Выбіраюць паміж Хойніцкім, Мсціслаўскім і Астравецкім раёнамі.
