Сваякі зніклых апанентаў Лукашэнкі абскарджваюць прысуд экс-байцу "эскадрона смерці"
Юрый Гараўскі / DW
24 чэрвеня ў судзе швейцарскага кантона Санкт-Галах адбудзецца разгляд апеляцыі на прысуд Юрыю Гараўскаму, які прызнаўся, што ўдзельнічаў у выкраданні апазіцыйных палітыкаў у Беларусі, перадае DW.
У верасні 2023 года швейцарскі суд разгледзеў справу пра гвалтоўнае знікненне беларускіх палітыкаў Юрыя Захаранкі, Віктара Ганчара і бізнесоўца Анатоля Красоўскага. Абвінавачаным быў Юрый Гараўскі — былы баец беларускага САХРа. Ён уцёк у Швейцарыю, дзе публічна прызнаўся, што ўдзельнічаў у выкраданні палітыкаў у траўні і верасні 1999 года.
Справа разглядалася ў рамках універсальнай юрысдыкцыі як злачынства супраць чалавечнасці. Суд прызнаў Гараўскага невінаватым, бо не было дастаткова доказаў яго віны. Апеляцыю на прысуд падалі сваякі ахвяр разам з праваабарончымі арганізацыямі "Вясна", Trial International і Міжнароднай федэрацыяй за правы чалавека (FIDH).
У 2018 годзе Гараўскі папрасіў палітычны прытулак у Швейцарыі. А пазней ён расказаў журналістам DW пра свой удзел у выкраданні беларускіх апазіцыйных палітыкаў. Пасля гэтага справа дайшла да суда.
