З 1 траўня ў Беларусі вырастуць дзіцячыя дапамогі: што зменіцца для сем’яў
Рост складзе 2,5% / LookByMedia
З 1 траўня 2026 года ў Беларусі павялічваюцца памеры дзіцячых дапамог, якія разлічваюцца зыходзячы з бюджэту пражытачнага мінімуму (БПМ). Рост складзе 2,5%, і новыя сумы будуць дзейнічаць да 31 ліпеня, паведамляе Мінпрацы.
Галоўныя змены датычацца як аднаразовых выплат, так і штомесячнай падтрымкі для розных катэгорый сем’яў.
Аднаразовыя дапамогі:
пры нараджэнні першага дзіцяці — 10 БПМ (5096,20 руб.);
пры нараджэнні другога і наступных — 14 БПМ (7134,68 руб.);
жанчыны, якія сталі на ўлік да 12 тыдняў цяжарнасці — 1 БПМ (509,62 руб.).
Штомесячныя дапамогі:
на дзяцей 3–18 гадоў у сем’ях, дзе выхоўваецца дзіця да 3 гадоў — 50% БПМ (254,81 руб.);
на дзяцей старэйшых за 3 гады з асобных катэгорый сем’яў — 50% БПМ (254,81 руб.);
на дзіця з інваліднасцю старэйшага за 3 гады — 70% БПМ (356,73 руб.).
Дапамогі па доглядзе за дзіцяці з інваліднасцю:
пры I–II ступені страты здароўя да 18 гадоў і III–IV ступені да 3 гадоў — 100% БПМ (509,62 руб.);
пры III–IV ступені пасля 3 гадоў — 120% БПМ (611,54 руб.).
Таксама павялічваецца выплата для дзяцей да 18 гадоў, інфікаваных ВІЧ, — 70% БПМ (356,73 руб.).
У Беларусі дапамогі атрымліваюць больш за 154 тысячы дзяцей.
