За месяц колькасць беларусаў, занятых у эканоміцы, скарацілася амаль на 9 тысяч чалавек
Працоўны, ілюстрацыйнае фота / pixabay.com
Колькасць беларусаў, занятых у эканоміцы, за месяц скарацілася на 8,8 тысячы чалавек. Такія звесткі падае Нацыянальны статыстычны камітэт.
У красавіку ў эканоміцы Беларусі было занята 4 млн 172,1 тыс. чалавек. За месяц іх стала менш амаль на дзевяць тысяч. Але ў параўнанні з леташнім красавіком колькасць работнікаў вырасла на 36,3 тыс. чалавек.
Па стане на 26 траўня ў Беларусі адчуваецца недахоп больш як 137 тысяч работнікаў. Такая колькасць прапановаў ад наймальнікаў размешчаная ў агульнарэспубліканскім банку вакансій. Узровень беспрацоўя пры гэтым вельмі нізкі — 2,3%.
