Авіярэйс Мінск-Стамбул затрымалі на сем гадзін
Самалёт "Белавія", ілюстрацыйнае фота
Рэйс "Белавія" Мінск-Стамбул 13 студзеня быў затрыманы на сем гадзінаў. Пра гэта піша выданне Onliner са спасылкай на беларуса, чый знаёмы быў на борце Airbus A330-200.
Самалёт павінен быў вылецець у 9:10 і ўжо вырульваў на ўзлётна-пасадачную паласу, як раптам узлёт перапынілі. Праз некалькі гадзін пасажыраў перасадзілі ў два Boeing 737, якія паспяхова вылецелі ў Турцыю.
У прэс-службе кампаніі "Белавія" заявілі, што прычынай затрымкі вылету стала падазронае паведамленне пра памылку на бартавым камп'ютары: "Рэйс В2 783 па маршруце Мінск-Стамбул, запланаваны да вылету з Нацыянальнага аэрапорта Мінск 13.01.2026, быў затрыманы па тэхнічных прычынах".
На бартавым камп'ютары самалёта пасля буксіроўкі з'явілася паведамленне пра некарэктную працу адной з сістэм. Камандзір авіялайнера вырашыў не рызыкаваць і вярнуць яго на стаянку для ліквідацыі прычыны памылкі.
"Падчас чакання ў Нацыянальным аэрапорце Мінск пасажырам прадастаўленыя ахаладжальныя напоі і гарачае харчаванне, а таксама прапанавана магчымасць абмену квіткоў на іншыя даты або вяртанне цаны (ад перавозкі адмовілася 11 чалавек)", — удакладнілі ў "Белавія".
