Больш за 150 чалавек аштрафавалі ў Беларусі за ўвоз беспілотнікаў
Дрон, ілюстрацыйнае фота / unsplash
У Беларусі больш за 150 чалавек былі пакараныя за парушэнне заканадаўства, датычнага беспілотнікаў. Пра гэта паведамляе Генпракуратура краіны.
Як вядома, фізічным асобам у Беларусі забаронена мець такія беспілотныя лятальныя апараты.
Паводле звестак пракуратуры, асноўную колькасць парушэнняў складаюць факты незаконнага ўвозу дронаў у Беларусь.
"Усяго за перыяд дзеяння змяненняў да адказнасці паводле арт.18.38 Кодэкса Рэспублікі Беларусь аб адміністрацыйных правапарушэннях у выглядзе штрафу з канфіскацыяй прадметаў адміністрацыйнага правапарушэння прыцягнутыя 153 фізічныя і дзве юрыдычныя асобы", — заяўляюць у Генпракуратуры.
Як прыклад пракурорскія работнікі згадалі грамадзяніна Расіі, які спрабаваў прывезці дрон з Польшчы, а таксама грамадзяніна Беларусі, у якога ў Браслаўскім раёне знайшлі дома беспілотнік.
