Бяздомныя сабакі пакусалі яшчэ адно дзіця ў Гомелі
Сабака, ілюстрацыйнае фота / pexels.com
У нядзелю, 17 траўня, у Гомелі бяздомныя сабакі напалі на яшчэ адно непаўналетняе дзіця. Пра гэта паведамляе афіцыйны тг-канал Гомельскага гарвыканкама.
"У сувязі з гэтым інцыдэнтам профільныя службы горада пераходзяць на ўзмоцненую працу па адлове бяздомных жывёл. Сфармаваныя групы для правядзення рэйдавых мерапрыемстваў і адлову бяздомных сабак", — гаворыцца ў паведамленні.
Старшыня гарвыканкама Руслан Пархамовіч заявіў, што ў горадзе прымуць "жорсткія меры па адлове бяздомных жывёлаў".
Таксама ў Гомелі пачала працаваць "гарачая тэлефонная лінія", на якую можна паведаміць пра факты знаходжання безнаглядных сабак.
Як паведамлялася раней, 8 траўня зграя бяздомных сабак напада на 11-гадовую школьніцу і моцна пакусала яе. Дзяўчынка дагэтуль застаецца ў лякарні.
