Каля Глыбокага ўпаў баявы дрон, яго падарвалі на месцы
Дрон, ілюстрацыйнае фота / mil.in.ua
У нядзелю, 17 траўня, на тэрыторыі Беларусі ўпаў баявы дрон. Пра гэта піша "Наша Ніва", спасылаючыся на дзве крыніцы.
Падзенне дрона адбылося ў Віцебскай вобласці, на поўдзень ад Глыбокага. Беспілотнік не ўзарваўся сам, таму сілавікі падарвалі яго на месцы.
Афіцыйных паведамленняў пра інцыдэнт не было.
Баявыя дроны заляталі ў Беларусь і раней — як расійскія, так і ўкраінскія. Чый дрон заляцеў гэтым разам — невядома, бо інфармацыя пра яго закрытая.
Напярэдадні ўкраінскі дрон з выбухоўкай заляцеў у Літву. Яго выявілі на паўночным усходзе краіны, прыкладна за 40 км ад межаў з Латвіяй і Беларуссю. Раней збітыя з курсу ўкраінскія дроны заляталі ў Літву, Латвіію, Эстоніюі і нават Фінляндыю.
