Кватэру эканаміста ў эміграцыі Паўла Данэйкі выставілі на продаж
Павел Данэйка / Еўрарадыё
Кватэру эканаміста Паўла Данэйкі выставілі на продаж. На сайце “БелЮрЗабеспячэнне” яе стартавая цана — 737 тысяч рублёў. Прычына продажу — “арышт следчых органаў”.
Плошча кватэры 152 квадратныя метры. Яна знаходзіцца паміж кальцавой дарогай і Цнянскім вадасховішчам. Аўкцыён па продажы кватэры адбудзецца 23 красавіка.
Павел Данэйка — эканаміст і адміністрацыйны дырэктар даследчага цэнтру BEROC, уваходзіў у першы склад Каардынацыйнай рады. У лютым 2025 года яго асудзілі завочна на 12 гадоў па артыкулах, звязаных са “змовай з мэтай захопу ўлады неканстытуцыйным шляхам” і са “стварэннем экстрэмісцкага фармавання або ўдзел у ім”.
