Мінскае "Дынама" страціла ачкі з "Іслаччу" і першае месца. Цяпер там "МЛ Віцебск"

Чацвёрты тур чэмпіянату Беларусі па футболе падарыў некалькі яркіх матчаў, паломку аўтобуса "Белшыны" і змену лідара ў турнірнай табліцы.

У Мінску сталічнае "Дынама" згуляла ўнічыю з "Іслаччу" — 1:1 — прычым "ваўкі" былі блізкія да таго, каб вырваць перамогу ў дынамаўцаў на апошніх хвілінах.

"МЛ Віцебск" у сваю чаргу абыграў БАТЭ — 2:1 — і дзякуючы гэтай перамозе выйшаў на першае месца ў турнірнай табліцы.

"Нёман" без асаблівых цяжкасцяў абыграў "Нафтан" — 3:1.

"Тарпеда-БелАЗ" у Магілёве здолеў адыграцца з 0:2 у матчы з "Дняпром", звёўшы гульню ўнічыю — 2:2.

"Арсенал" абыграў "Белшыну" — 2:0. Час матча быў зменены з-за таго, што аўтобус з футбалістамі з Бабруйска зламаўся па дарозе на матч. 

"Арсенал" паказаў найлепшы старт сезона Вышэйшай лігі ў гісторыі клуба. Пасля гэтай перамогі дзяржынцы ідуць без паражэнняў і займаюць чацвёртае месца ў табліцы.

"Гомель" абыграў "Славію" — 3:1.

У дэрбі Брэсцкай вобласці "Дынама" разграміла "Баранавічы" — 3:0. Навічок Вышэйшай лігі пакуль ідзе без перамог і з нулём ачкоў замыкае турнірную табліцу.

"Віцебск" адолеў "Мінск" — 2:0. Для паўночнікаў гэта другая перамога запар у турніры.

Становішча ў чэмпіянаце: