На студэнтах са Шры-Ланкі Беларусь зарабляе 20 мільёнаў долараў
Замежныя студэнты ў Беларусі, ілюстрацыйнае фота / УУС Віцебскага аблвыканкама
Беларусь зарабляе каля 20 млн долараў на навучанні студэнтаў са Шры-Ланкі. Такую лічбу назваў міністр замежных спраў Максім Рыжанкоў у эфіры дзяржтэлеканала "Беларусь 1".
"Экспарт нашых адукацыйных паслуг складае больш за 20 мільёнаў долараў. Гэта тое, што мы зарабляем на навучанні ланкійскіх студэнтаў", — сказаў чыноўнік.
Беларусь і Шры-Ланка заключылі дзесяць дамоваў аб супрацоўніцтве. Сярод іх — мемарандум аб узаемаразуменні паміж Палескім дзяржаўным універсітэтам і Універсітэтам Келаніі, падпісаны сёлета ў першым квартале.
Таксама Рыжанкоў паведаміў, што летась Шры-Ланку наведала больш за 10 тысяч беларускіх турыстаў.
