Новы амбасадар Узбекістана пачаў працу менш чым праз тыдзень пасля звальнення папярэдніка
Нурыдзін Мамажонаў і Максім Рыжанкоў / МЗС Беларусі
27 ліпеня прэс-служба беларускага МЗС паведаміла, што міністр замежных спраў Максім Рыжанкоў прыняў копіі даверчых грамат амбасадара Узбекістана ў Беларусі Нурыдзіна Мамажонава.
Папярэдні амбасадар Узбекістана Рахматула Назараў быў звольнены са сваёй пасады 22 ліпеня. Гэта адбылося на фоне скандалу з працоўнымі мігрантамі з гэтай краіны. Прычынай звальнення называлася "абыякавасць да пытанняў інвестыцый і замежнага гандлю".
На сустрэчы Мамажонава з Рыжанковым Ссярод іншага абмяркоўваліся "механізмы рэалізацыі дамоўленасцяў" Аляксандра Лукашэнкі і прэзідэнта Узбекістана Шаўката Мірзіёева, а таксама выкананне "дарожнай карты па развіцці супрацоўніцтва на 2026-2030 гады".
