Стала вядома, па якім артыкуле асудзілі светлагорца, затрыманага па вяртанні ў Беларусь
Глеб Панасюк / фота з сацсетак
Стала вядома, у чым абвінавацілі светлагорца Глеба Панасюка, затрыманага па вяртанні ў Беларусь у кастрычніку 2025 года. Раней паведамлялася, што хлопцу прысудзілі 5 гадоў пазбаўлення волі, але было невядома за што.
Праваабаронцы з "Гомельскай Вясны" даведаліся, што Панасюка асудзілі паводле ч. 2 арт. 361-3 КК (удзел на тэрыторыі замежнай дзяржавы ва ўзброеным фармаванні ці ўзброеным канфлікце, ваенных дзеяннях, вярбоўка або падрыхтоўка асобаў да такога ўдзелу). Яго сябры кажуць, што светлагорац быў падпісаны на канал палка імя Кастуся Каліноўскага, але не займаўся ні вярбоўкай, ні навучаннем магчымых байцоў.
Апошнія некалькі гадоў Панасюк жыў і працаваў у Польшчы. У кастрычніку 2025-га ён вырашыў з'ездзіць да бацькоў у Беларусь. 9 кастрычніка затэлефанаваў сябрам у Польшчу і паведаміў, што паспяхова прайшоў мяжу і едзе да бацькоў. Пасля гэтага сувязь з ім знікла. Знашоўся ён толькі ў снежні ў гомельскім следчым ізалятары №3.
