Святлана Ціханоўская сустрэлася з беларускімі добраахвотнікамі
Святлана Ціханоўская і беларускія добраахвотнікі / Белсат
Падчас візіту ў Кіеў Святлана Ціханоўская сустрэлася з беларускімі добраахвотнікамі, якія абараняюць Украіну.
Як перадае "Белсат", на сустрэчы прагучаў гімн "Мы выйдзем шчыльнымі радамі". Пасля гэтага ўдзельнікі ўшанавалі загінулых хвілінай маўчання.
Ціханоўская нагадала, што за свабоду Украіны загінулі ўжо 90 беларусаў. Таксама яна ўручыла ўзнагароды: іх атрымалі беларускія добраахвотнікі, журналісты і грамадскія актывісты.
У сваім выступе лідарка беларускіх дэмакратычных сілаў падкрэсліла, што сёння беларусы і ўкраінцы змагаюцца супраць аднаго зла — за свабодную і еўрапейскую будучыню.
