Трамп папрасіў Сі Цзіньпіна націснуць на Пуціна дзеля міру ва Украіне

Дональд Трамп на пекінскім саміце асабіста звярнуўся да Сі Цзіньпіна з просьбай выкарыстаць уплыў Кітая на Расію для аднаўлення перамоваў па Украіне.

Пра гэта паведамляе South China Morning Post са спасылкай на некалькі крыніц, знаёмых з ходам перамоваў. Трамп заявіў Сі, што перамоўны працэс паміж Масквой і Кіевам зайшоў у тупік, і заклікаў Пекін садзейнічаць вяртанню Расіі да дыялогу. Саміт адбываўся ў траўні 2026 года.

Нагадаем, што прамыя перамовы паміж Расіяй і Украінай у Турцыі ў ліпені 2025 года завяршыліся без пагаднення аб спыненні агню. Пасля гэтага, паводле даных SCMP, Трамп узмацніў ціск на Зяленскага.

Выданне таксама адзначае, што за апошнія месяцы Украіна вярнула больш тэрыторый, чым страціла, тады як Расія ўзмацніла ўдары па гарадах.

У траўні былі нанесены масіраваныя ўдары з выкарыстаннем беспілотнікаў і ракет, у тым ліку гіпергукавой балістычнай ракетай "Арэшнік".

У ноч на 2 чэрвеня Расія нанесла чарговы ўдар па Украіне. Было выкарыстана 729 сродкаў паражэння. У Кіеве вядома як мінімум пра 65 параненых і чатырох загінулых. 38 чалавек былі шпіталізаваныя. Ёсць пацярпелыя і загінулыя таксама ў іншых гарадах.