У аўторак па паўночна-ўсходняй Беларусі прагназуецца галалёдзіца
Лёд, ілюстрацыйнае фота
У аўторак, 17 сакавіка, у Беларусі чакаецца пераменная воблачнасць, пераважна без ападкаў, паведамляе Белгідрамет.
Уначы і зранку месцамі будзе слабы туман, па паўночна-ўсходняй палове на асобных участках дарог — галалёдзіца. Вецер прагназуецца няўстойлівы ад слабога да ўмеранага.
Тэрмометры ўначы пакажуць ад 4 градусаў марозу па ўсходзе да 4 градусаў цяпла па захадзе краіны. Удзень чакаецца 9-15 градусаў вышэй за нуль, месцамі па ўсходзе Беларусі будзе +7...+8 градусаў.
У сераду, 18 сакавіка, таксама прагназуецца пераменная воблачнасць. Будзе пераважна без ападкаў. Уначы і зранку ў асобных раёнах чакаюцца слабыя туман і галалёд, на дарогах — галалёдзіца. Вецер будзе няўстойлівы ад слабога да ўмеранага.
Тэмпература паветра ўначы складзе -4...+3 градусы. Удзень чакаецца ад 6 градусаў цяпла па ўсходзе да 14 градусаў са знакам "плюс" па захадзе краіны.
