У Беларусі налічваецца больш за 1,7 млн дзяцей ва ўзросце да 18 гадоў
Статыстычны агляд прымеркаваны да Міжнароднага дня абароны дзяцей / LookByMedia
Паводле дадзеных Белстата, на 1 студзеня 2026 года колькасць дзяцей ва ўзросце да 18 гадоў у Беларусі склала 1 716 303 чалавекі — гэта кожны пяты жыхар краіны. Статыстычны агляд прымеркаваны да Міжнароднага дня абароны дзяцей.
У 2022 годзе колькасць дзяцей складала 1 847 711 чалавек. За чатыры гады іх стала менш на 131 408 чалавек. Колькасць змяншаецца з кожным годам.
Каля 81% дзяцей на пачатак 2026 года пражывае ў гарадской мясцовасці, прыкладна 19% — у сельскай.
Найбольш папулярнымі імёнамі для хлопчыкаў сталі Міхаіл, Аляксандр, Мацвей і Цімафей, для дзяўчынак — Сафія, Марыя, Ганна і Ева.
На пачатак 2025/2026 навучальнага года ў сістэме агульнай сярэдняй адукацыі навучалася больш за 1 млн вучняў у больш чым 2 800 установах. Дашкольнай адукацыяй было ахоплена звыш 326 тысяч дзяцей.
Паводле даных Белстата, амаль 98% дзяцей ва ўзросце 6–17 гадоў карысталіся інтэрнэтам у 2025 годзе, з іх больш за 91% выходзілі ў сетку штодня.
Асноўная мэта — прагляд фільмаў, гульні і спампоўванне кантэнту (98,3% карыстальнікаў). У адукацыйных мэтах інтэрнэт выкарыстоўвалі каля 84% дзяцей.
