У Беларусі прызналі "экстрэмісцкім фармаваннем" найбуйнейшы чат сваякоў зняволеных
У Беларусі чарговае "экстрэмісцкае фармаванне" / depositphotos.com
У Беларусі прызналі "экстрэмісцкім фармаваннем" найбуйнейшы чат сваякоў зняволеных — "СІЗА №1 Калядзічы". Такое рашэнне прыняў КДБ.
У канцы сакавіка гэты чат прызналі "экстрэмісцкімі матэрыяламі". На той момант у ім было каля 1800 чалавек.
У чаце сваякі зняволеных абменьваліся інфармацыяй, абмяркоўвалі правілы перадачы пасылак, графік спатканняў, перапіску і іншыя пытанні, якія тычацца СІЗА.
