Ва Украіне каля беларускай мяжы пачаўся лясны пажар
Пажар ва Украіне / t.me/minleshoz
На тэрыторыі Украіны каля беларускай мяжы пачаўся верхавы лясны пажар. Яго зафіксавалі за чатыры кіламетры ад Маларыцкага лясгаса, паведамляе Міністэрства лясной гаспадаркі Беларусі.
У беларускім ведамстве заявілі, што прадстаўнікі лясной аховы знаходзяцца на месцы і сочаць за развіццём сітуацыі. Паведамляецца, што абстаноўка пакуль пад кантролем, пажар скіроўваецца не ў бок Беларусі.
