Журналіст-палітвязень Кірыл Пазняк трапіў у шпіталь пры СІЗА ў цяжкім стане
Кірыл Пазняк / Скрыншот з відэа з сацсетак
Журналіст-палітвязень Кірыл Пазняк трапіў у шпіталь пры СІЗА №1 у цяжкім стане. Пра гэта ў сацсетках паведаміла яго былая жонка, журналістка Алена Пакала.
"У шпіталі пры СІЗА#1 у цяжкім стане знаходзіцца журналіст Кірыл Пазняк. З запушчанымі наступствамі пнеўманіі і кавіду, якія падхапіў у ізалятары на Акрэсціна 8 месяцаў таму. Права на ахову здароўя — гэта базавае права чалавека. Прашу зрабіць тых, ад каго гэта залежыць, усё, каб захаваць чалавечае жыццё!" — напісала яна.
Кірыл Пазняк быў затрыманы разам з дачкой 4 верасня 2025 года. У гэты дзень ютуб-канал "Платформа 375", які ён вёў, быў прызнаны "экстрэмісцкім фармаваннем". На канале ён у 2021-2022 гадах арганізаваў некалькі дэбатаў паміж праўладнымі прапагандыстамі і палітуцекачамі.
