Беларусы Германіі ўпершыню паўдзельнічалі ў карнавале культур у Берліне
Беларусы на берлінскім фэсце / lookby.media
Упершыню на берлінскім фестывалі Karneval der Kulturen Berlin была прадстаўленая беларуская культура. У фэсце паўдзельнічала карнавальная група "Беларусь танчыць з Цмокам", перадае DW.
Фэст адбыўся 24 траўня 2026 года. Берлінская імпрэза — адзін з найбуйнейшых вулічных фестываляў Еўропы. Ён аб’ядноўвае амаль сотню культурных супольнасцяў Германіі. На фэсце адначасова прысутнічае больш за сто тысяч гледачоў адначасова, а за ўвесь час карнавалу іх лік даходзіць да мільёну.
У перформансе "Беларусь танчыць з Цмокам" прынялі ўдзел мастакі, музыкі і незалежныя культурныя актывісты.
Цэнтральным вобразам калоны стала вялікая карнавальная фігура Цмока — вадзянога Дракона. Таксама беларускае шэсце суправаджаў дыджэй з сучаснай музыкай. На ўдзельніках былі аўтарскія карнавальныя маскі з прыродных матэрыялаў і вянкі з жывых раслін. Арганізатары адзначаюць, што карнавал па часе супаў са святам Сёмухі — народнай традыцыі, калі шануюць памерлых, упрыгожваюць хаты галінкамі бярозы і плятуць з іх вянкі.
