Ініцыятыва MALDZIS алічбавала фотакнігу Яна Булгака “Нарач”. Яе можна спампаваць!
Ян Булгак, кніга "Narocz najwieksze jezioro w Polsce", 1935 год / Татьяна Капитонова
Ініцыятывай MALDZIS быў набыты ў Польшчы арыгінальны асобнік фотакнігі Яна Булгака “Нарач”. Яна была алічбавана і цяпер яе можна бясплатна паглядзець і спампаваць на сайце Maldzis.world.
А дзякуючы ахвяраванням беларусаў ініцыятыва змагла набыць некалькі арыгінальных фотаздымкаў аўтарства Яна Булгака.
Ян Булгак – выбітны фатограф з беларускімі каранямі, якога называюць “бацькам беларускай і польскай фатаграфіі”. Ён нарадзіўся пад Наваградкам, быў афіцыйным фатографам Вільні, выкладаў ва ўніверсітэце, заснаваў два фотаклубы.
Кніга выйшла ў 1935 годзе і змяшчае 38 аўтарскіх здымкаў Нарачы перад з’яўленнем савецкай архітэктуры. Гэта лірычны дзённік падарожніка, які ўбачыў возера раней, чым яно стала курортам.
