Мы цэнім кожную праяву падтрымкі ад беларусаў для свабоднай Украіны — Зяленскі
Святлана Ціханоўская і Уладзімір Зяленскі / прэс-служба Ціханоўскай
У Кіеве праходзіць Міжнародны саміт гарадоў і рэгіёнаў. Перад яго пачаткам Святлана Ціханоўская і беларуская дэлегацыя сустрэліся з Уладзімірам Зяленскім. Пра гэта паведаміла прэс-служба ўкраінскага прэзідэнта.
Саміт аб'яднаў 24 краіны — перш за ўсё гэта еўрапейскія дзяржавы. Беларусь на ім прадстаўленая дэлегацыяй на чале з Ціханоўскай.
Каментуючы сустрэчу з Ціханоўскай, Зяленскі звярнуў увагу на тое, што дэмакратычная Беларусь падтрымлівае Украіну:
"Мы ўсе падтрымліваем імкненне народа Беларусі пазбавіцца ад расійскага ўмяшання і ведаем, што Расія спрабуе цяпер яшчэ больш уцягнуць Беларусь у гэтую вайну супраць Украіны. І мы цэнім кожную праяву падтрымкі ад беларусаў для свабоднай Украіны і ведаем, што будзе дзень, калі паміж нашымі дзяржавамі зноў будуць добрасуседскія адносіны на аснове рэальнай незалежнасці і Украіны, і Беларусі ад Масквы".
Ён падкрэсліў, што ад Украіны ніколі не ішла пагроза Беларусі: "І мы ўдзячныя тым беларусам, якія з Украінай цяпер, калі вырашаецца лёс і нашай незалежнасці, і незалежнасці кожнага народа, які мяжуе з Расіяй".
