На 10-15% вырас за год попыт расіян на кватэры ў Мінску

Попыт расіян на куплю жылля ў Мінску за год павялічыўся на 10-15%. Такія лічбы ў каментары РІА "Недвижимость" назвала прадстаўніца расійскай рыэлтарскай кампаніі "Этажи" Вольга Палоўнікава.

А колькасць праглядаў расіянамі абвестак пра куплю ці арэнду нерухомасці ў Беларусі ў першым квартале 2026 года вырасла ў два-тры разы ў параўнанні з аналагічным перыядам мінулага года, кажа яна.

У агульным аб'ёме ўгодаў з нерухомасцю доля расіян ацэньваецца цяпер у 8-10%. Год таму яна складала 2-3% рынку, кажа спецыялістка. Палоўнікава не выключае, што цікавасць да нерухомасці ў Мінску з боку расійскіх інвестараў бліжэйшым часам будзе расці. Гэтаму спрыяе падаражанне нерухомасці: сярэдні кошт квадратнага метра за год вырас на 24%. Яны спяшаюцца зрабіць інвестыцыйныя ўкладанні, спадзеючыся на далейшы рост.

Як адзначае "Зеркало", Мінскае гарадское агенцтва па дзяржрэгістрацыі паведамляла, што толькі за сакавік расіяне купілі ў 126 "аб'ектаў нерухомасці". Паводле ацэнак экспертаў, гэта 10% жылля, купленага ў Мінску за сакавік.