Спробы нелегальнай міграцыі з Беларусі ў ЕС растуць трэці тыдзень запар

Беларуская сацыялагічная група паведамляе, што ўжо трэці тыдзень запар расце колькасць мігрантаў, якія з Беларусі спрабуюць трапіць у краіны Еўрапейскага саюза. Найбольш такіх спробаў фіксуецца на беларуска-латвійскім напрамку.

Гэтыя тыдні б’юць папярэднія рэкорды.

Калі ў апошні тыдзень сакавіка такіх спробаў было крыху больш за 150, то ў першы тыдзень красавіка — ужо больш за 400, затым — амаль 500. А на мінулым тыдні — ужо амаль 700.

Гэты рост адбываецца найперш за кошт беларуска-латвійскага напрамку: за тры тыдні колькасць нелегальных спроб перайсці мяжу павялічылася амаль у шэсць разоў.