Веданне літоўскай мовы на ўзроўні А2: мэр Вільні бярэцца за інтэграцыю замежнікаў
Вільня / Еўрарадыё
Мэр Вільні Валдас Бенкунскас плануе распачаць збор подпісаў для ўмацавання іміграцыйнай палітыкі. На яго думку, калі замежнік — не рэзідэнт ЕС — хоча працягнуць свой ВНЖ пасля першых трох гадоў пражыванння ў Літве, ён мае прадаставіць доказ, што ведае літоўскую мову.
Збор подпісаў будзе трываць цягам траўня — як ужывую, так і анлайн. Затым Віленская гарадская рада прыступіць да плана дзеянняў па інтэграцыі замежнікаў у літоўскае граамадства. Адзначаецца, што вывучэнне літоўскай мовы з'яўляецца прыярытэтнай часткай плана і неабходнай умовай паспяховага жыцця ў горадзе. На гэтую і іншую дапамогу замежнікам плануецца выдзеліць 4,3 мільёны еўра.
