Візажыстку з Гродна асудзілі па васьмі палітычных артыкулах
Наталля Чубоўская / фота з яе акаўнту ў Інстаграме
Па васьмі палітычных артыкулах асудзілі 45-гадовую візажыстку з Гродна Наталлю Чубоўскую. Ёй прысудзілі пяць гадоў і пяць месяцаў калоніі, піша "Наша Ніва". Таксама яна павінна заплаціць штраф — 22 500 рублёў.
Чубоўскую арыштавалі 25 жніўня 2025 года і змясцілі ў СІЗА. Яе абвінавацілі па наступных артыкулах: "фінансаванне экстрэмізму", "садзейнічанне экстрэмізму", "паклёп на Лукашэнку", "абраза Лукашэнкі", "распальванне варожасці", "абраза прадстаўніка ўлады", "абраза суддзі", "удзел у дзеяннях, якія груба парушаюць грамадскі парадак".
Наталля Чубоўская добра вядомая ў Гродне. Доўгі час яна працавала прафесійнай візажысткай, грымёршай і бутафоркай. У Інстаграме ў яе больш за 9000 падпісчыкаў, у яе шмат кліентаў і свой салон.
Масавыя палітычныя рэпрэсіі ў Беларусі працягваюцца з 2020 года.
