Польская паліцыя страляла ў беларусаў, прыняўшы іх за злачынцаў — МЗС Беларусі
Паліцыя ў Польшчы, ілюстрацыйнае фота / LRT
МЗС Беларусі паведамляе, што 12 траўня на тэрыторыі Польшчы беларус атрымаў агнястрэльнае раненне.
"Паводле інфармацыі, якая паступіла, польскія праваахоўнікі памылкова прынялі групу беларусаў за чальцоў злачыннай групоўкі, што і прывяло да ўжывання зброі", — гаворыцца ў заяве беларускага ведамства.
Таксама паведамляецца, што пракуратура Польшчы вядзе расследаванне гэтага выпадку. Ён кваліфікуецца як перавышэнне службовых паўнамоцтваў. "Разлічваем на аб'ектыўнае расследаванне, выяўленне вінаватых і іх прыцягненне да адказнасці", — заяўляюць у МЗС.
Раней гродзенская міліцыя паведамляла, што ў Польшчы агнястрэльныя раненні атрымаў мужчына. Падрабязнасцяў інцыдэнту амаль не прыводзілася.
