Святлана Шаціліна расказала тое, што ведае пра затрыманне сына
Мікіта Шацілін / ITV
Святлана Шаціліна не размаўляла з сынам пасля затрымання і чакае дакументы, датычныя здарэння. Пра гэта яна расказала ў гутарцы з Еўрарадыё
"Я спадзяюся, што ў найбліжэйшыя 24 гадзіны я буду мець дакументы, каб даць больш дакладную інфармацыю, што адбылося. Прычыны затрымання і абставіны з сынам не мела магчымасці абгаварыць.
Я не хачу мець канспіралагічных версій. Адзінае, што я ведаю, што ён нібы вёз людзей з Кіева ў нейкае месца ва Украіне. І ёсць пытанне, што гэта за людзі і чаму ён іх вёз", — пракаментавала Еўрарадыё прадстаўніца дэмсілаў у Кіеве.
Пра затрыманне Мікіты Шаціліна стала вядома зранку 29 траўня. Ён ветэран вайны, мае ордэн "За мужнасць" ІІІ ступені, з'яўляецца дэпутатам гарадскога савета Ірпеня. Ва ўкраінскіх СМІ пішуць, быццам яго затрыманне звязанае з ухілянцкімі схемамі.
