Вылеты з Мінска ў Маскву адмяняюцца праз атаку ўкраінскіх беспілотнікаў
Нацыянальны аэрапорт "Мінск" / 34travel.me
Вылеты з Мінска ў Маскву адмяняюцца і затрымліваюцца праз атаку ўкраінскіх беспілотнікаў. Усе чатыры міжнародныя маскоўскія аэрапорты часова абмежавалі магчымасць прыёму і выпуску рэйсаў.
Уночы на 17 траўня дроны ўдарылі па Маскве і Маскоўскай вобласці. Мясцовыя жыхары паведамілі пра вялікую колькасць выбухаў. У сацсетках можна знайсці і шмат відэа — нягледзячы на тое, што днямі масквічам на заканадаўчым узноўні забаранілі публікаваць здымкі з "наступствамі тэрарыстычных актаў".
