Злачынцы рыхтавалі забойства расійскага актывіста. Сярод іх — беларусы

У Грэцыі затрымалі 55-гадовага мужчыну — яго падазраюць ва ўдзеле ў планаванні двайнога забойства ў Літве ў інтарэсах расійскіх спецслужбаў у складзе злачыннай групы.

Па версіі следства, мэтамі былі расійскі актывіст, які атрымаў прытулак ў Літве, і літоўскі палітычны саветнік, вядомы сваёй антырэсійскай пазіцыяй.

Злачынства ўдалося прадухіліць: частка падазраваных была затрыманая літоўскімі праваахоўнікамі яшчэ ў сакавіку мінулага года.

У матэрыялах справы фігуруюць грамадзяне Грэцыі, а таксама — Грузіі, Украіны, Беларусі і Літвы. Выданне Voria ўдакладняе, што ў справе ўдзельнічаюць двое грамадзян Беларусі. У чым заключалася іх роля ў групе, у публікацыях не раскрываецца.