Памяняўся сайт для галасавання на выбарах у КР
Выбары ў Каардынацыйную Раду / t.me/rada_vision/
Памяняўся сайт, на якім адбываецца галасаванне на выбарах у Каардынацыйную Раду чацвёртага склікання.
"Наша каманда бачыць перыядычную перагрузку атакамі сэрвісу Google, на якім быў даступны сайт для выбараў, таму сайт галасавання цяпер будзе даступны па новым асобным адрасе:
https://rada2026.svaepeera.com
Калі ласка, пераходзьце на яго толькі з правераных крыніц!" — гаворыцца ў паведамленні КР.
Удзельнікам галасавання з Беларусі рэкамендуюць абавязкова выкарыстоўваць VPN і рэжым Incognito: "Калі вы не скарысталіся рэжымам Incognito, абавязкова ачысціце гісторыю і кэш браўзера пасля галасавання!"
Карыстальнікам iPhone на час галасавання рэкамендуецца адключаць Lockdown mode.
Аплікацыі для галасавання даступныя па ранейшых адрасах.
Платформа для галасавання на выбарах у КР была атакаваная з часу свайго запуску. У выніку анлайн-галасаванне пачалося на паўсутак пазней за запланаваны тэрмін — апоўдні 12 траўня.
